• Mongolian
МЭДЭЭЛЭЛ
Нислэгийн төлөвлөгөөний ШИНЭ форматыг нэвтрүүллээ Хэвлэх
2012 оны 11-р сарын 15, Пүрэв гариг, 16:14
fpl_pro

ICAO-оос нислэгийн төлөвлөгөө болон НХҮ-ний мэдээг боловсронгуй болгох зорилгоор нислэгийн төлөвлөгөөний ШИНЭ форматыг 2012 оны 11-р сарын 15-аас эхлэн хэрэгжүүлэхээр PANS-ATM, Doc 4444-ийн Amendment 1-д заасан билээ. Үүний дагуу өнөөдөр буюу 2012 оны 11-р сарын 15-аас эхлэн Монгол Улс нислэгийн төлөвлөгөө ба холбогдох НХҮ-ний мэдээнүүдэд зөвхөн ШИНЭ форматыг ашиглаж эхэллээ.

Энэхүү өөрчлөлтийн дагуу ИНЕГ-ын хүрээнд дараах системүүдэд програм хангамжийн шинэчлэлийг амжилттай хийснээр шинэ болон хуучин форматын аль алинаар хүлээн авах боломж бүрдсэн.
 
AIRAC 09/12 ЗАРЛАГДЛАА Хэвлэх
2012 оны 11-р сарын 09, Баасан гариг, 14:03
pic1

НМҮА-аас Монгол Улсын НМЭ-ийн AIRAC Өөрчлөлт 09/12 (AIRAC AIP AMDT 09/12)-ыг боловсруулан гаргалаа. Энэ удаагийн AIRAC-д  дараах томоохон өөрчлөлтүүд багтсан болно:

1.    Дээд агаарын зайн A308, B208, H2, H21,   G343 болон V13 агаарын замуудын зарим сегментүүдийн дээд доод өндрийн хязгаарыг өөрчилсөн;

2.    IM дуудлагатай Мөрөн NDB-ийн ажиллах цагийн хуваарийг HO буюу үйл ажиллагааны шаардлагуудын дагуу үйлчилгээ үзүүлэх болгож өөрчилсөн;

3.    Газрын хөдөлгөөний зохицуулалтын нэгж (Ground Control)-ийн нэр, дуудлага, давтамж, цагийн хуваарь болон хариуцлагын бүсийн мэдээллийг оруулсан;

Түүнчлэн энэхүү өөрчлөлттэй хамт дараах НМЭ-ийн Нэмэлтүүд хэвлэгдсэн болно. Үүнд:

 
ИРГЭНИЙ НИСЭХИЙН ЕРӨНХИЙ ЗАХИРЛУУДЫН 49-Р ХУРАЛД ОРОЛЦЛОО Хэвлэх
2012 оны 10-р сарын 18, Пүрэв гариг, 08:55
DGCA_pic

Ази номхон далайн бүсийн Иргэний нисэхийн ерөнхий захирлуудын 49-р хурал 2012 оны 10-р сарын 8-аас 10-р сарын 12-ны өдрүүдэд Энэтхэг улсын Шинэ Дели хотод зохион байгуулагдлаа.

Энэхүү хуралд НМҮА-ны Нислэгийн тогтмол мэдээллийн хэсгийн өгөгдлийн сангийн инженер Б. Ууганбаяр, НМЭ-ийн техникийн ажилтан Б. Нямбаяр болон нисэхийн зураг зүйч Н. Хаш-Эрдэнэ нар оролцож "Газрын гадарга ба саадын өгөгдлийг электрон хэлбэрээр бүрдүүлэхэд тулгарч буй хүндрэлүүд, шийдвэрлэх арга зам" нэртэй илтгэл тавьж хэлэлцүүллээ. 

 
FPL2012-ийн програмын шинэчлэлт эхэллээ Хэвлэх
2012 оны 8-р сарын 07, Мягмар гариг, 15:03
fpl_proМонгол Улсын аэронавигацийн үйлчилгээнд нислэгийн төлөвлөгөө болон нислэгийн хөдөлгөөний үйлчилгээний мэдээнд орох өөрчлөлтийг хэрэгжүүлэх ажлын хүрээнд Иргэний нисэхийн ерөнхий газар болон ХБНГУ-ын Avitech компанийн хооронд байгуулсан гэрээний дагуу одоо ашиглагдаж байгаа Нислэгийн мэдээллийн үйлчилгээний Нислэгийн төлөвлөгөө  болон НХҮ-ний мэдээний автомат систем дээр програмын шинэчлэл эхэллээ.
 
"Үндэсний орон зайн мэдээллийн сангийн дэд бүтцийн асуудал" сэдэвт олон улсын семинарт оролцсон тайлан Хэвлэх
2012 оны 7-р сарын 10, Мягмар гариг, 11:14
SeminarNSDI_smal2012 оны 7 сарын 5,6-ны өдөр Улаанбаатар хотноо зохион байгуулагдсан "Үндэсний орон зайн мэдээллийн сангийн дэд бүтцийн асуудал" сэдэвт олон улсын хуралд Иргэний нисэхийн салбарыг төлөөлж НМҮА-ны газарзүйн мэдээллийн инженер Х.Одхүү оролцоод ирлээ.

Газрын харилцаа, барилга, геодези, зураг зүйн газраас зохион байгуулсан тус хуралд БНСУ-ын талаас Геодезийн газрын удирдлага, геодезийн чиглэлээр үйл ажиллагаа явуулдаг аж ахуйн нэгж, их сургуулиудын төлөөлөл эрдэмтэн профессорууд ирж илтгэл тавьсан бол Монголын талаас засгийн газрын харъяа яамд, агентлагууд, их сургуулиуд, хувийн хэвшилийн нийлсэн 50 гаран төлөөлөгчид оролцлоо.
 
ӨГӨГДЛИЙН САНГ БҮРДҮҮЛЭХ, АШИГЛАХ СУРГАЛТАНД ОРОЛЦСОН АЖИЛТНУУДЫН ТАЙЛАН Хэвлэх
2012 оны 6-р сарын 14, Пүрэв гариг, 13:49
IMG_0686 copy
Иргэний нисэхийн ерөнхий газрын даргын 2012 оны 05 сарын 28-ны өдрийн Б/147 тоот тушаалын дагуу Нислэгийн мэдээллийн үйлчилгээний албаны Нислэгийн тогтмол мэдээллийн хэсгийн дарга Б.Батцэцэг, Нисэхийн зураг зүйч Н.Хаш-Эрдэнэ, С.Амарсанаа, Газарзүйн мэдээллийн инженер Х.Одхүү, Өгөгдлийн сангийн инженер Б.Ууганбаяр, Тамгын хэлтсийн мэргэжилтэн Ц.Ган-Эрдэнэ нар ИНЕГ болон "МОНМЭП Инженеринг Сервисез" ХХК-ны хамтын ажиллагааны хүрээнд БНХАУ-ын Бээжин хотод 2012.05.28-2012.06.01-ний хооронд зохион байгуулагдсан Өгөгдлийн санг бүрдүүлэх, ашиглах сургалтанд амжилттай оролцоод ирлээ.
 
"Монгол Улсын өндрийн тулгуур сүлжээ, түүнийг сайжруулах" сэдэвт олон улсын хуралд оролцлоо Хэвлэх
2012 оны 6-р сарын 06, Лхагва гариг, 13:28
IMG_4707
2012 оны 06 сарын 05-ны өдөр Улаанбаатар хотноо зохион байгуулагдсан "Монгол Улсын өндрийн тулгуур сүлжээ, түүнийг сайжруулах" сэдэвт олон улсын хуралд иргэний нисэхийн салбарыг төлөөлж НМҮА-ны Нислэгийн тогтмол мэдээллийн хэсгийн дарга Б.Батцэцэг, Нисэхийн зураг зүйч Н.Хаш-Эрдэнэ, Өгөгдлийн сангийн инженер Б.Ууганбаяр, Нисэхийн мэдээллийн эмхтгэлийн техникийн ажилтан Б.Нямбаяр нар оролцож, Нисэхийн зураг зүйч Н.Хаш-Эрдэнэ "Электрон газрын гадарга болон саадын өгөгдлийн сан бүрдүүлэх" ажил Монгол Улсын иргэний нисэхийн салбарт ямар хэмжээнд хэрэгжиж байгаа талаар илтгэл тавилаа.

Олон улсын иргэний нисэхийн байгууллагаас "Электрон газрын гадарга болон саадын өгөгдлийн сан бүрдүүлэх"-д тавигдаж буй стандарт шаардлагуудын тухай мөн сансрын зураг ашиглан тоон өгөгдлийн сан бүрдүүлж байгаа талаар дэлгэрэнгүй танилцуулсан.
 
"Нисэхийн онол" тэмцээн маш амжилттай болж өнгөрлөө Хэвлэх
2012 оны 5-р сарын 21, Даваа гариг, 11:39
Монгол улсад нисэх хүчин үүс хөгжсөний 87 жилийн ой, Нисэхийн мэдээллийн үйлчилгээний байгууллага байгуулагдсаны 10 жилийн ойн хүрээнд зохион явуулж буй "Нисэхийн онол" тэмцээн 2012 оны 05-р сарын 19-нд МҮЭСТО-нд маш амжилттай болж өнгөрлөө.

Тус тэмцээнд "Чингис хаан" ОУНБ-ын "Зорчигчид" баг, "Сургалт, дадлагын цогцолбор"-ын "Цогцолбор" баг, АНҮГ-ын Мэргэжлийн хэлтсийн "Эсрэг 4" баг, Нислэг хөдөлгөөний үйлчилгээний албаны "Тэнгэрийн хөтөч" баг, ХНБАҮА-ны "Quark" багууд мэдлэг оюун ухаанаа сорин уралдлаа.
 
Олон улсын AIS-ийн өдөр Хэвлэх
2012 оны 5-р сарын 15, Мягмар гариг, 09:59
annexОлон улсын иргэний нисэхийн байгууллага /ICAO/-ын Удирдах зөвлөлөөс одоогоос яг 59 жилийн өмнө 1953 оны 5-р сарын 15-ны өдөр Нисэхийн мэдээллийн үйлчилгээтэй холбоотой ICAO-ийн стандарт болон зөвлөмжүүдийг багтаасан Олон улсын иргэний нисэхийн конвенцийн Хавсралт 15 (Annex 15)-ыг батлан гаргажээ. Энэхүү өдрийг дэлхий нийтээр нисэхийн мэдээллийн үйлчилгээний байгууллагууд “Олон улсын AIS-ийн өдөр” болгон тэмдэглэж ирсэн юм.

Цаасан мэдээлэл, бүтээгдэхүүнд тулгуурласан нисэхийн мэдээллийн үйлчилгээ аажмаар дижитал өгөгдөл, автоматжуулалтад тулгуурласан нисэхийн мэдээллийн менежмент буюу AIM-д амжилттай шилжиж байгаа нь нисэхийн салбар дахь даяарчлалын  хамгийн тод жишээ болж байна.

Ирээдүйн Нислэгийн хөдөлгөөний менежмент (ATM)-ийн системийн мэдээлэл, технологийн үндсэн бааз суурь болж өгөх Мэдээллийн менежментийн нэгдсэн систем (SWIM)-ийн хамгийн чухал бүрэлдэхүүн хэсгүүдийн нэг нь AIM байх учраас орчин үед иргэний нисэхийн салбарт нисэхийн мэдээлэл/өгөгдлийн ач холбогдол улам бүр өсөн нэмэгдэж байна. Үүнийг дагаад нисэхийн мэдээллийн үйлчилгээ нь түүхэндээ хамгийн том өөрчлөлт, шинэчлэлтийг хэрэгжүүлэх шаардлагатай тулгарч байна.
 
ЖУ-4 "Залруулах арга хэмжээний журам"-д нэмэлт өөрчлөлт орлоо Хэвлэх
2012 оны 4-р сарын 20, Баасан гариг, 14:03
Үйл ажиллагааны ерөнхий журмын бүлэг1-ийн ЖУ-4 "Залруулах арга хэмжээний журам"-д нэмэлт өөрчлөлт орсон тул танилцана уу!
 
«ЭхлэхӨмнөх12345678910ДараахиТөгсгөл»

Хуудас 11-с 9

ШМ1331/17 Мэдээлэл холбооны сүлжээнээс SDH тоног төхөөрөмж шилжүүлэх холболтын ажил хийгдэх тул 2017.07.28-ны 00:00-06:00 цагийн хооронд Говь-алтай, Ховд, Өлгий НБ-ын оптик шугам тасарна. VSAT-аар хэвийн ажиллана.

ШМ1334/17 Ургамал: Төвийн тэжээл 2017.07.27-ны өдрийн 07:55 цагаас эхлэн тодорхойгүй хугацаагаар тасарсан. Холимог тэжээлээр хэвийн.

ШМ1335/17 Их-Өлгий: RADAR-г 2017.07.27-ны өдрийн 19:00-23:59 цагийн хооронд унтрааж техник үйлчилгээ хийнэ.


 

 

 

 

AIRAC CALENDAR

Бэлэн байдлын мэдээ

Агаарын навигацийн өдөр тутмын мэдээ

Саатсан болон цуцалсан нислэгийн мэдээллийг
www.nisleg.info вэб хуудаснаас харна уу.