1.1.1 Олон улс болон орон нутгийн нислэгүүдийн нислэгийн төлөвлөгөөг нислэг эхлэхээс 1-ээс багагүй цагийн өмнө нисэн гарах аэродромын НХҮ-ний нэгжид ирүүлсэн байна.

1.1.2 НХҮ-ний илтгэх төв байхгүй аэродромд нислэг үйлдэх бол нислэгийн төлөвлөгөөг тухайн аэродромын НХҮ-ний нэгжийн хаягаар хаяглан ирүүлнэ. НХҮ-ний нэгжийн хаягийг ENR 1.11-ээс хар.

1.2.1 Нислэгийн төлөвлөгөөний маягт болон уг маягтыг бөглөх дараалал нь ICAO-гийн PANS-ATM (Doc 4444), 15-р хэвлэлийн Өөрчлөлт 1-ийн Нэмэлт хавсралт 2-т заасны дагуу байна.

1.2.2 Улаанбаатар FIR-д нислэгийн төлөвлөгөөг ирүүлэхдээ дараах нэмэлт шаардлагуудыг хангахыг анхаарна уу. Үүнд:

8-р зүйл: Нислэгийн дүрэм болон нислэгийн төрөл

Нислэгийн дүрэм солих агаарын замын цэгүүдийн мэдээллийг нислэгийн төлөвлөгөөний 15-р зүйлд заавал бичнэ.

9-р зүйл: Агаарын хөлгийн тоо, маяг, сүүлний урсгалын ангилал

Агаарын хөлгийн тоо

Олон агаарын хөлгөөс бүрдсэн групп нислэгийг нэг нислэгт тооцон нэг нислэгийн төлөвлөгөө ирүүлнэ.

10-р зүйл: Агаарын хөлгийн тоноглол ба чадамж

Холбоо, навигаци, ойртолтын тоноглол ба чадамж

13-р зүйл: Нисэн гарах аэродром болон цаг

Нисэн гарах тооцоот цаг (EOBT)

Нисэн гарах тооцоот цагийг Олон улсын цагаар бөглөнө. Хэрэв тухайн нислэг нь UTC-ээр 0000-д нисэн гарахаар төлөвлөсөн бол нислэгийн төлөвлөгөөнд 0001 гэж оруулна.

15-р зүйл: Нислэгийн зам

Нислэгийн хурд

Зөвхөн км/цагаар тооцсон нислэгийн төлөвлөгөөг хүлээн авна (K0830 гэх мэт).

Аяллын нислэгийн түвшин

IFR нислэг үйлдэх бол төлөвлөсөн аяллын нислэгийн түвшинг дараах байдлаар оруулна. Үүнд:

ENR 1.7.5 “Нислэгийн түвшний хүснэгт”-ийг ашиглан стандарт метрээр тодорхойлсон нислэгийн түвшинг S үсэг ба 4 оронтой тоогоор (S1130 гэх мэт), эсхүл

Метрээр илэрхийлсэн өндрийн-түвшинг М үсэг ба 4 оронтой тоогоор (M0840 гэх мэт).

VFR нислэг үйлдэх үед VFR гэж бичнэ.

18-р зүйл: Бусад мэдээлэл

1. STS/ НХҮ-ний тусгай зохицуулалт шаардлагатай доорх нислэгийн төлөв (status)-өөс сонгон бичнэ:

   ALTRV Өндрийн-түвшний хязгаарлалттай (altitude reservation) бүсэд нислэг үйлдэх үед;

   ATFMX Нислэг хөдөлгөөний төлөвлөлт зохицуулалтаар зохицуулагдаагүй нислэгийн үед;

   FFR Гал унтраах нислэгийн үед;

   FLTCK Газрын навигацийн туслах хэрэгсэл шалгах нислэгийн үед;

   HAZMAT Аюултай ачаа тээвэрлэх нислэгийн үед;

   HEAD Онцгой үүргийн нислэгийн үед;

   HOSP Эрүүл мэндийн удирдах байгууллагаас томилогдсон түргэн тусламжийн нислэгийн үед;

   HUM Хүмүүнлэгийн үйл ажиллагаа явуулах нислэгийн үед;

   MARSA Зайчлал нь цэргийн нислэгийн удирдлагын нэгжээс хангагдах нислэгийн үед;

   MEDEVAC Амь насанд аюул тулгарсан өвчтөнд түргэн тусламж үзүүлэх нислэгийн үед;

   NONRVSM RVSM чадамжгүй агаарын хөлгөөр RVSM агаарын зайд нислэг үйлдэх үед;

   Тэмдэглэл: RVSM шаардлагуудыг хангаагүй агаарын хөлөг доор дурьдсанаас бусад нөхцөлд 8900м (29100ft) ба 12500м (41100ft)-ын хооронд нислэг үйлдэхээр төлөвлөхгүй:

   1. Агаарын хөлгийг үйл ажиллагаа эрхлэгчид эсхүл бүртгэлтэй Улсад нь хүргэж өгөх хөөлтийн нислэг үйлдэх тохиолдолд; эсхүл

   2. Агаарын хөлөг нь RVSM зөвшөөрөгдсөн байсан боловч аль нэг төхөөрөмжийн дутагдлын улмаас RVSM шаардлагуудыг хангах ба/буюу зөвшөөрөл авахын тулд засвар үйлчилгээний зорилгоор нислэг үйлдэж байгаа тохиолдолд; эсхүл

   3. Агаарын хөлөг нь хүмүүнлэгийн зорилгоор нислэг үйлдэж байгаа тохиолдолд; эсхүл

   4. Улсын агаарын хөлөг (цэрэг, гааль ба цагдаагийн албанд ашиглагддаг агаарын хөлгийг улсын агаарын хөлөгт тооцно).

   SAR Эрэн хайх, авран туслах нислэгийн үед;

   STATE Тусгай үүргийн нислэгийн үед (цэрэг, гааль, цагдаа)

   Жишээ нь: Онцгой үүргийн нислэгийн үед STS/HEAD гэж бичнэ.

2. DOF/ Нисэн гарах огноог 6 орноор илэрхийлнэ (YYMMDD). Нислэгийн төлөвлөгөөнд DOF/-ийг заавал оруулна.

3. OPR/ Хэрэв 7-р зүйл дэх агаарын хөлгийн дуудлагаас өөр бол агаарын тээвэрлэгчийн ICAO-гийн код эсхүл нэрийг нислэгийн төлөвлөгөөнд заавал оруулна.

4. ORGN/ Нислэгийн төлөвлөгөө үүсгэгчийн 8 тэмдэгт бүхий AFTN хаяг эсхүл бусад хаягийг тодорхой оруулна. Жишээ нь: ORGN/PHONE 97671281010, Fax 97671282022.

G ангиллын буюу ерөнхий зориулалтын агаарын зайд нислэг үйлдэх тохиолдолд RMK/ илтгэгчийн ард иридиум эсхүл сансрын холбооны утсыг оруулна. Жишээ нь: RMK/IRIDIUM 886141451210 эсхүл SAT PHONE 886141451210 гэх мэт.

3.1.1 Нислэг төлөвлөгдсөн хугацаанаасаа 30-аас дээш минутаар саатах тохиолдолд саатлын мэдээ (DLA)-г ирүүлнэ. Хэрэв ямар нэгэн мэдээлэл ирүүлээгүй бол нислэгийн төлөвлөгөөг хүчингүйд тооцно. Тухайн нислэгийн саатах хугацаа нь богино хугацаагаар (2 цаг хүртэл) дараа өдөрт шилжих тохиолдолд саатлын мэдээг нислэгийн төлөвлөгөөний өөрчлөлтийн мэдээ (CHG)-ээр дамжуулна. Жишээ нь: 2-р сарын 10-ны өдрийн 2300 UTC-д төлөвлөгдсөн нислэг 2-р сарын 11-ний өдрийн 0100 UTC хүртэл саатсан тохиолдолд саатлын мэдээг өөрчлөлтийн мэдээ (CHG)-ээр ирүүлнэ.

3.1.2 Агаарын хөлгийн хөөрөлт нислэгийн төлөвлөгөөнд заасан цагаас 72 хүртэлх цагаар хойшлогдсон тохиолдолд хойшлогдсон тухай мэдээг Нислэгийн урсгал төлөвлөлтийн албаны доорхи хаягаар дамжуулна:

3.2.1 Нислэгийн төлөвлөгөөнд тусгагдсан аяллын дугаар, агаарын хөлгийн маяг, EOBT эсхүл нислэгийн зам өөрчлөгдөх тохиолдолд тухайн өөрчлөлттэй холбоотой мэдээллүүдийг GEN 1.2.3-т заасан хаягуудаар ажлын цагаар Нислэгийн урсгал төлөвлөлтийн албанд, ажлын бус цагаар Нислэгийн урсгал төлөвлөлтийн албаны Шуурхай төлөвлөлтийн хэсэгт тус тус дамжуулна.

3.2.2 Нислэгийн төлөвлөгөөнд агаарын хөлгийн үндэсний болон бүртгэлийн таних тэмдгийг өөрчлөх тохиолдолд өөрчлөлт (CHG)-ийн мэдээнд тухайн агаарын хөлгийн холбогдолтой мэдээллийг оруулна. Жишээ нь: SEL/, CODE/, тоноглол болон чадамж гэх мэт.

3.3.1 Хөөрөлтийн мэдээнд нислэгийн огноо (DOF/)-г заавал оруулна. Жишээ нь: (DEP-MGL223-ZMUB0015-ZBAA-DOF/140224).

3.4.1 Нислэгийн төлөвлөгөөг цуцалсан тухай мэдээг GEN 1.2.3-т заасан хаягуудаар ажлын цагаар Нислэгийн урсгал төлөвлөлтийн албанд, ажлын бус цагаар Нислэгийн урсгал төлөвлөлтийн албаны Шуурхай төлөвлөлтийн хэсэгт тус тус дамжуулна.