2.1.1 Улаанбаатар FIR дэх Төв, Мөрөн, Говь, Дорнод, Алтай болон Баян гэсэн 6 секторт радарын болон процедурын аргачлалаар НХУ-ын үйлчилгээг үзүүлдэг.

1. радарын нислэгийн хөдөлгөөний удирдлагын үйлчилгээг Төв, Мөрөн, Баян, Дорнод, Говь секторуудад;

2. процедурын нислэгийн хөдөлгөөний удирдлагын үйлчилгээг Алтай сектор болон радарын бүрхэлтгүй бүсэд үзүүлнэ.

2.1.2 Улаанбаатар FIR-ийн Төв, Мөрөн, Баян, Дорнод, Говь секторууд болон Улаанбаатар ойртолтын удирдлагын бүсэд нислэг үйлдэх агаарын хөлгүүд нь А болон С горим дээр ажиллах автомат хариулагч (транспондер)-аар тоноглогдсон байна.

2.1.3 Улаанбаатар ойртолтын удирдлагын бүсийн Мөнх-Өлзийт радарын бүрхэлтийг зураг 1-т үзүүлэв.

2.2.1 Агаарын зайд НХУ-аас өөр заавар, зөвлөгөө олгоогүй бол, автомат хариулагч шаардсан хяналттай агаарын зайд нислэг үйлдэж буй агаарын хөлгийн дарга нь:

1. автомат хариулагчаа дараах горимд ажиллуулна:

   - A болон C горимд эсхүл;

   - S горимд.

2. S горимд ажиллах төхөөрөмжийг ашиглаж буй эсхүл энэ хэсгийн c)-д зааснаас бусад тохиолдолд автомат хариулагчаа дараах байдлаар тохируулна:

   - НХУ-аас өгсөн зохих код; эсхүл

   - НХУ-аас код өгөөгүй бол Хүснэгт 1-т заасны дагуу.

3. Онцгой тохиолдлын үед автомат хариулагчийг Хүснэгт 2-т заасны дагуу ашиглана.

2.2.2 Автомат хариулагч шаардсан хяналттай агаарын зайд автомат хариулагчгүй нислэг үйлдэхээр төлөвлөсөн агаарын хөлгийн дарга тухайн НХУ-аас тусгай зөвшөөрөл авна.

2.2.3 Автомат хариулагч шаардсан хяналттай агаарын зайд нислэг үйлдэх үед уг төхөөрөмжийн ажиллагаа доголдох ба татгалзсан тохиолдолд агаарын хөлгийн дарга тухайн НХУ-ын нэгжид яаралтай мэдэгдэнэ.

2.2.4 Жагсаалын нислэгт зөвхөн нэг агаарын хөлөг мөр 2.2.1-д заасны дагуу автомат хариулагч ашиглах шаардлагатай.

2.3.1 Дараах зорилгоор агаарын хөлөгт вектор олгоно. Үүнд:

1. Агаарын хөлгүүдийг өөр хооронд нь болон тусгай зориулалтын агаарын зайгаас зайчлах;

2. Нисэн гарч байгаа агаарын хөлөгт үр ашигтай, шуурхай урсгалыг бий болгох болон нислэгийн түвшин эзлэх өндөр авалтыг түргэсгэх;

3. Шуурхай, үр дүнтэй ойртолтын дарааллыг тогтоох;

4. Цаг агаарын аюултай үзэгдэл бүхий бүсээс холдуулах болон тойрох тохиолдолд нисэх багийн үйл ажиллагаанд туслалцаа үзүүлэх;

5. Радио холбооны татгалзал бий болсон тохиолдолд уг агаарын хөлгийн радио холбооны татгалзлын шинж байдлыг тогтоох.

2.3.2 Агаарын хөлөгт вектор олгож байгаа тохиолдолд НХУ-аас дараах зарчмыг мөрдөнө:

1. агаарын хөлөгт вектор олгох үед, нисгэгчид тухайн векторыг ямар зорилгоор олгож байгаа тухай мэдэгдэх бөгөөд шаардлагатай бол векторын хязгаарыг мэдэгдэх;

2. дараах тохиолдлоос бусад үед хяналтгүй агаарын зайд буюу процедур секторт удирдлага шилжүүлэх агаарын хөлөгт болон ажиглалтын системийн бүрхэлт хязгаарлагдах чиглэлд вектор олгохгүй:

   - онцгой нөхцөл байдал бий болсон;

   - цаг агаарын аюултай үзэгдлүүдийг тойрон гарах;

   - нисгэгчийн хүсэлтээр.

2.3.3 Улаанбаатар ойртолтын удирдлагын бүсийн минимум вектор олгох өндрийн-түвшин (MVA) нь:

доод (2100м - 3150м хооронд) бүсэд секторын минимум өндрийн-түвшнээр (MSA);

дунд (3150м - 4050м) болон дээд (4050м - 6150м) бүсүүдэд бүсийн минимум өндрийн-түвшин (AMA) байна.

2.4.1 Агаарын хөлгийн нисэх багт дараах тохиолдолд тухайн агаарын хөлгийн байршлыг мэдээлнэ:

1. агаарын хөлөг секторын ажлын давтамж дээр радио холбоо тогтоож, ажиглалтын автомат системийн байрлалын өгөгдлийн дэлгэц (SDD) дээр танилт хийсэн тохиолдолд;

2. нисгэгч өөрийн агаарын хөлгийн байршлын талаарх мэдээллийг хүссэн тохиолдолд;

3. ажиглалтын автомат системийн байрлалын өгөгдлийн дэлгэц (SDD) дээрх өгөгдлүүд нь нисгэгчийн илтгэсэн өгөгдлөөс зөрүүтэй байгаа тохиолдолд;

4. нислэгийн удирдагчаас агаарын хөлөгт вектор өгсний дараа буцаж агаарын замд орох захирамж өгсөн боловч тухайн агаарын хөлгийн нислэг нь өмнө нь нислэг үйлдэж байсан агаарын замаас гажсан тохиолдолд;

5. Радарын үйлчилгээ дуусахын өмнө агаарын хөлөг нь өөрийн зөвшөөрөл олгогдсон агаарын замаас гажсан тохиолдолд яаралтайгаар.

2.4.2 Байршлын тухай мэдээллийг дараах хэлбэрүүдийн аль нэгээр агаарын хөлөгт дамжуулна:

1. тодорхой нэг цэг эсхүл навигацийн туслах төхөөрөмжөөс авсан соронзон чиглэл болон зай;

2. НХҮ-ний нислэгийн замын гол шугамаас авсан зай болон чиглэл.

2.5.1 Агаарын хөлгүүд хоорондын аюулгүй зайчлалыг зайгаар тодорхойлох ба ажиглалтын системийн тасралтгүй хяналттай агаарын зайд ижил нислэгийн түвшинд нислэг үйлдэж буй агаарын хөлгүүдийн хооронд дараах тууш зайчлалыг баримтална. Үүнд:

1. Төв, Мөрөн, Баян, Дорнод, Говь секторуудад

   - ижил чиглэл, ижил түвшинд: 30км;

   - огтлолцох чиглэл, ижил түвшинд: 40км.

2. Улаанбаатар ойртолтын удирдлагын бүсэд

   - ижил чиглэл, ижил түвшинд: 20км;

   - огтлолцох чиглэл, ижил түвшинд: 30км.

2.6.1 Радарын систем татгалзсан тохиолдолд:

1. 10 минутын тууш зайчлалыг эсвэл процедурын удирдлагын зайчлал агаарын хөлгүүд хооронд тогтооно;

2. процедурын НХУ-ын үйлчилгээ үзүүлнэ.

2.7.1 4200-4277 кодуудыг нислэгийн замын нислэгүүдэд ашиглана.

2.7.2 0300-0377, 0400-0477 болон 4400-4477 кодуудыг Улаанбаатар FIR-д үйлдэгдэх нислэгүүдэд ашиглана. Эдгээрээс 0300-0377 кодуудыг орон нутгийн, 0400-0477 кодуудыг олон улсын хөөрөлтийн нислэгүүдэд ашиглана.

3.1.1 Өнөөдрийн байдлаар Монгол Улсын агаарын зайн ихэнх хэсгийг бүрхсэн нийт 12 ADS-B газрын станц суурилуулсан.

3.2.1 Монгол Улсын агаарын зайд ADS-B-ийг НХҮ-ний ажиглалтын зайчлалд ашиглана.

3.3.1 ADS-B-ийг А ангиллын агаарын зайд ADS-B бүрхэлтийн хүрээнд, нислэгийн түвшин 8840м-ээс 14600м-ийн хооронд хэрэгжүүлнэ.

3.3.2 Дараах НХУ-ын секторуудад ADS-B-ийг НХҮ-ний ажиглалтын зайчлалд ашиглана:

1. Төв сектор;

2. Мөрөн сектор;

3. Баян сектор;

4. Говь сектор;

5. Дорнод сектор.

3.4.1 Монгол Улсын агаарын зайд нислэгийн түвшин 8840м-ээс дээш өндөрт нисэж байгаа бүх агаарын хөлөг мөр 3.4.2-т заасан үзүүлэлтийн стандартуудыг хангасан, ажиллагаатай ADS-B нэвтрүүлэгч төхөөрөмж (Mode S транспондер болон GNSS-ээс авсан байршлын мэдээлэл)-өөр тоноглогдсон байна.

3.4.2  Мөр 3.4.3-т заасан үзүүлэлтийг хангаагүй агаарын хөлөгт мөр 3.3.1-т заасан агаарын зайд нислэг үйлдэх давуу эрх олгохгүй ба нислэгийн нөхцөл байдлаас хамаарч нислэгийн түвшинд өөрчлөлт оруулж болно.

3.4.3  Мөр 3.3.2-т заасан НХУ-ын секторуудад ADS-B нэвтрүүлэгч төхөөрөмж нь Annex 10-ын Боть IV-ийн шаардлагуудыг хангасан, зөвшөөрөгдсөн төрлийн эсхүл дараах стандартуудын аль нэгийг хангаж гэрчилгээжсэн байна. Үүнд:

3.4.4 Хэрэв агаарын хөлөгт суурилагдсан ADS-B нэвтрүүлэгч төхөөрөмж нь мөр 3.4.3-т заасан шаардлагуудыг хангахгүй бол тус агаарын хөлгийн ADS-B тоноглолыг:

3.5.1  Мөр 3.4.3-т заасан шаардлагуудыг хангаж байгаа агаарын хөлгийн үйл ажиллагаа эрхлэгчид ICAO-гийн нислэгийн төлөвлөгөөний 10-р зүйлд зохих ADS-B тодорхойлогч үсгийг тавих хэрэгтэй:

3.5.2 Агаарын хөлгийн таних тэмдэг (ACID) нь 7-оос ихгүй тэмдэгтээр Нислэгийн төлөвлөгөөний 7-р зүйлд алдаагүй тусгагдсан байх ёстой ба агаарын хөлгийн электрон төхөөрөмжид оруулж тохируулах үед (нислэгийн ID болгож илгээхэд) яг ижил, дараах хэлбэрийн аль нэгээр давтагдаж илрэх ёстой:

3.7.1 Хэрэв радарын болон ADS-B холболт алдагдсан тохиолдолд нислэгийн удирдагч нь ажиглалтын зайчлалыг цуцалж процедурын зайчлалаар яаралтай хангана.

3.7.2 Радар татгалзаж ADS-B ээр ажиглалтын зайчлал хангаж байгаа тохиолдолд Мөр 3.4.3-т заасан үзүүлэлтийг хангаагүй агаарын хөлөгт мөр 3.3.1-т заасан агаарын зайд нислэг үйлдэхгүй.

3.7.3 Агаарын хөлгийн ADS-B төхөөрөмж татгалзсаныг мэдсэн даруйдаа агаарын хөлгийн дарга нислэгийн удирдагчид яаралтай мэдэгдэнэ.