ENR 1.2  Ил харааны нислэгийн дүрмүүд

1.  Ерөнхий

1.1 ИНД-91-ийн VFR-д зааснаас бусад тохиолдолд агаарын хөлгийн дарга нь доор дурдсан нөхцөлд VFR нислэг үйлдэхгүй:

  1. Нислэгийн хараа эсхүл үүл хүртэлх зай нь Хүснэгт 1-д заасан агаарын зайн зохих ангилалд заасан хэмжээнээс бага байвал;

  2. Далайн дундаж түвшнээс 6150м-ээс дээш аяллын түвшинд;

  3. Tэгш тал газарт нар шингэхээс 30 минутын өмнөөс нар ургах хүртэл, дов толгод, уулархаг бүсэд нар шингэхээс нар ургах хүртэл.

1.2 Нислэгийн хараа, үүлний суурийн өндөр нь Хүснэгт 1-д зааснаас бага байвал агаарын хөлгийн дарга хөөрөх, буух, аэродромын нислэгийн хөдөлгөөн хайрцагт орох, эсхүл VFR-ээр аэродромын ойролцоо нислэг үйлдэхгүй.
1.3 Агаарын хөлгийн дарга нь:

  1. Бусад агаарын хөлөг эсхүл аливаа саадтай мөргөлдөхөөс зайлсхийх зорилгоор тэдгээрийг ажиглаж илрүүлэх бололцоотой хурдтайгаар маневр хийж байгаа тохиолдолд "G" ангиллын агаарын зайд хараа 5км-ээс бага үед нисдэг тэргээр нислэг үйлдэж болно;

  2. Хөдөө аж ахуйн зориулалттай нислэг үйлдэж байгаа тохиолдолд "G" ангиллын агаарын зайд нислэгийн хараа 5км-ээс бага үед агаарын хөлгөөр нислэг үйлдэж болно;

  3. Нислэгийн сургалт, дадлага өгч байгаа тохиолдолд нам өндрийн нислэгийн бүсэд нислэгийн хараа 5км-ээс бага үед агаарын хөлгөөр нислэг үйлдэж болно.

ХҮСНЭГТ 1. VFR цаг агаарын минима

Агаарын зайн ангилал

Үүл хүртэлх зай

Нислэгийн хараа

B

Үүлнээс зайтай байхад

8км, AMSL 3000м (10000ft)-т, эсхүл түүнээс дээш

5км, AMSL 3000м (10000ft)-ээс доош

С, D, E

Хэвтээ чиглэлд 2км;

Удирдлагын зооны гадна босоо чиглэлд 300м (1000ft);

Удирдлагын зоонд 150м (500 ft);

G,F

AMSL 900 м-ээс (3000ft) дээш, эсхүл газраас дээш 300 м-ийн (1000ft) аль өндрийг

Хэвтээ чиглэлд 2км;

Босоо чиглэлд 300м (1000ft);

AMSL 900м-т (3000ft), эсхүл түүнээс доош эсхүл газраас дээш 300м-ийн (1000ft) аль өндрийг

Үүлнээс зайтай байх ба гадаргуу харагдаж байхад

5km

2.  VFR нислэгийн төлөвлөгөө

2.1 ENR 1.10 "Нислэгийн төлөвлөлт"-өөс хар.
2.2 ENR 1.10-д заасан VFR нислэгийн төлөвлөгөөг хүргүүлсэн агаарын хөлгийн дарга нь нисэн очих аэродром дээр буулт хийж нислэг дууссан тухай зохих НХҮ-ний нэгжид мэдэгдсэнээр уг нислэгийн төлөвлөгөөг дууссан гэж үзнэ.

3.  VFR нислэгийн түвшин

3.1 ENR 1.7 "Алтиметрийн тохируулгын журмууд"-аас хар.

4.  VFR нислэгүүдийн минимум өндөр

4.1 ENR 1.1-ийн мөр 5.1-ээс хар.

5.  VFR зайчлал

5.1 ENR 1.1-ийн мөр 12.1 ба мөр 12.2-оос хар.

6.  Байрлал илтгэх

6.1 Хяналттай агаарын зайд VFR нислэг үйлдэж буй агаарын хөлгийн дарга нь НХУ-аас шаардсан үед эсхүл тогтоосон илтгэх цэгүүдийг нисэн өнгөрөхдөө НХУ-д агаарын хөлгийн байрлалаа илтгэнэ.
6.2 Чингис хаан ОУНБ-ын ил харааны илтгэх цэгүүдийг AD 2-ZMCK-14-1, Буянт-Ухаа ОУНБ-ын ил харааны илтгэх цэгүүдийг AD 2-ZMUB-14-1 хуудаснуудад үзүүлсэн.

7.  Цас, мөстэй үед тавигдах шаардлага

7.1 Агаарын хөлгийн далавч, стабилизатор, эсхүл удирдлагын гадаргууд цас, мөс, цан тогтсон үед агаарын хөлгийн дарга VFR-ээр хөөрөлт үйлдэхийг хориглоно.