1.  Хариуцах байгууллага

Дараах ICAO-ийн баримт бичгүүдэд заасны дагуу нислэгийн хөдөлгөөний үйлчилгээ үзүүлнэ:

1. ICAO Annex 2 - Нислэгийн дүрмүүд

2. ICAO Annex 11 - Нислэгийн хөдөлгөөний үйлчилгээ

3. Doc 4444 - Агаарын навигацийн үйлчилгээний журмууд - Нислэгийн хөдөлгөөний менежмент (PANS-ATM)

4. Doc 8168 - Агаарын навигацийн үйлчилгээний журмууд - Агаарын хөлгийн үйл ажиллагаанууд (PANS-OPS)

5. Doc 7030 - Бүс нутгийн нэмэлт журмууд

2.  Хариуцлагын бүс

Нислэгийн хөдөлгөөний үйлчилгээ нь Монгол Улсын нийт нутаг дэвсгэрийг хамарна.

3.  Үйлчилгээний төрлүүд

Дараах төрлийн үйлчилгээнүүдийг үзүүлнэ:

1. Бүсийн удирдлагын үйлчилгээ

   /Дэлгэрэнгүй мэдээллийг ENR 1.6 хэсгээс харж болно./

2. Ойртолтын удирдлагын үйлчилгээ

3. Аэродромын удирдлагын үйлчилгээ

4. Аюулын дохио мэдээллийн үйлчилгээ

5. Нислэгийн мэдээллийн үйлчилгээ

6. Аэродромын нислэгийн мэдээллийн үйлчилгээ

4.  Үйл ажиллагаа эрхлэгч ба НХҮ хоорондын зохицуулалт

Нислэгийн хөдөлгөөний үйлчилгээний нэгжийн эрхлэх үйл ажиллагаатай холбоотой мэдээлэл нь үйл ажиллагаа эрхлэгч, түүний төлөөлөгчийг үүрэгт ажлаа хэрэгжүүлэхэд нь хэрэгцээтэй болсон тохиолдолд шаардлагатай мэдээллээр шуурхай хангана.

Үйл ажиллагаа эрхлэгчээс хүсэлт тавьсан тохиолдолд НХҮ-ний нэгж нь түүний агаарын хөлгийн нислэгийн талаар хүлээн авсан мэдээллээ үйл ажиллагаа эрхлэгч буюу түүний төлөөлөгчид дамжуулах ба энэхүү харилцан ажиллагаа НХҮ-ний байгууллага ба үйл ажиллагаа эрхлэгч хоорондын гэрээнд тусгагдсан байна.

5.  Нислэгийн минимум өндрийн-түвшин

Секторын минимум өндрийн-түвшин (MSA)

Хэрэглэлийн нислэгийн журам бүрт секторын минимум өндрийн-түвшнийг тогтоох ба тогтоосон цэг, аэродромын хяналтын цэг (ARP), хэлипортын хяналтын цэг (HRP) зэрэг цэгүүдэд төвтэй 46км (25NM) радиус бүхий тойргийн сектор дотор саадыг тодорхойлж, саад дээр хамгийн багадаа 300м (1000фт) нөөц өндрийг нэмж тооцсон ашиглагдаж болох минимум өндрийн-түвшин.

Секторын минимум өндрийн-түвшин дараах байдлаар тооцно:

9км (5NM) нэмэлт бүсийг агуулах 55км (30NM) радиустай сектор дэх хамгийн өндөр саадыг тодорхойлно.

300м (1000фт) саадаас чөлөөлөгдөх өндрийг нэмж.

Гарсан утгыг дээш ойрын 50м (100фт)-рүү бүхэлчилнэ.

Нислэгийн замын минимум өндрийн-түвшин (MEA)

Холбогдох навигацийн болон нислэг хөдөлгөөний үйлчилгээний холбооны тоног төхөөрөмжийн сигналыг хангалттай хүлээн авах боломжтой, агаарын зайн зохион байгуулалтад нийцсэн, саадыг нисэн өнгөрөх шаардлагатай нөөц өндрийг тооцсон чиглэлийн нислэгийн тодорхой хэсэг дэх өндрийн-түвшин.

Нислэгийн замын минимум өндрийн-түвшин дараах байдлаар тооцно:

Агаарын замын өргөний дагуу хамгийн өндөр саад болон газрын гадаргууг тодорхойлон.

Хэрвээ газрын гадаргуу болон саадын өндөр далайн дундаж түвшнээс дээш 2000м -ээс их биш бол саадаас чөлөөлөгдөх өндөр 300м (1000фт)-г нэмж, хэрвээ газрын гадаргуу болон саадын өндөр нь далайн дундаж түвшнээс дээш 2001м -ээс өндөр бол 600м (2000фт) нэмнэ.

Гарсан утгыг ойрын 50м (100фт)-рүү өсгөж бүхэлчилнэ.

Өндөр алдах минимум өндрийн-түвшин (MDA), эсхүл өндөр алдах минимум өндөр (MDH)

Өндөр алдах минимум өндрийн-түвшин (MDA) болон өндөр алдах минимум өндөр (MDH) нь нарийвчлалтай бус (2D) ойртолт эсхүл тойрог нислэгт тогтоосон өндрийн-түвшин эсхүл өндөр бөгөөд ил хараагаар баримжаа аваагүй тохиолдолд энэхүү өндрөөс доош нисэж болохгүй.

Ил хараагаар баримжаа авалт гэдэг нь төлөвлөсөн нислэгийн замтай хамааралтайгаар байршлын өөрчлөлтийн хэмжээ болон агаарын хөлгийн байршлын үнэлгээ хийж байх нисгэгчид хангалттай хугацаанд үзэгдэх ёстой ил харааны туслах төхөөрөмжийн хэсэг эсвэл ойртолтын бүсийн хэсэг юм. Тойрог нислэгт ойртолтын хувьд ил хараагаар баримжаа авалт нь ХБЗ-ын орчин байна.

Өндөр алдах минимум өндрийн-түвшин (MDA) нь далайн дундаж түвшнээс эхтэй бөгөөд тус өндрийг тооцохдоо cаадаас чөлөөлөгдөх өндрийн-түвшин (OCA)-г дараагийн 50м (100фт) рүү өсгөн бүхэлчилнэ. Энэ нь агаарын хөлгийн алтиметр хэрэглэлийн нэгж болон бусад шаардлагатай хүчин зүйлийг тооцсон утга юм. (Doc 8168, VOL II, Figure I-4-5-3 b)

Өндөр алдах минимум өндрийн-түвшин (MDA)-ийг тооцохдоо аэродромын өндөрлөгөөс эхлэл авах ба хэрэв босгоны өндөрлөг нь аэродромын өндөрлөгөөс 2м (7фт)-ээс их бол босгоны өндрийг эх болгоно.

Саадаас чөлөөлөгдөх өндрийн-түвшин/өндөр (OCA/H)

Нарийвчлалтай бус ойртолт үйлдэх журамд ОСА/Н гэдэг нь өндрийн-түвшин эсхүл өндөр бөгөөд агаарын хөлөг нь саадаас чөлөөлөгдөх шалгуур үзүүлэлтийн дагуу энэхүү өндрөөс доош өндөр алдаж болохгүй юм.

6.  НХҮ-ний нэгжүүдийн хаягийн жагсаалт